نكت سخيفة بس تضحك قصيرة يمكن نشرها على منصات التواصل الاجتماعي المختلفة سواء تويتر أو فيس بوك أو انستجرام، فسنتعرف اليوم من خلال موقع القمة على مجموعة من النكت السخيفة التي قد تكون مضحكة للبعض والذي يرغب في تداولها على السوشيال ميديا بهدف المزاح.
نكت سخيفة بس تضحك قصيرة
في النقاط التالية سنتعرف إلى نكت سخيفة بس تضحك قصيرة:
- مرة طبق كشري عمل حادثة فقد بصله.
- مرة طماطماية عطست قالت كاتشب.
- مرة واحد اتنين تلاتة أربعة.
- مرة واحد اشترى طعمية لقاها سخنة وداها للدكتور.
- مرة نقاش بنتو تعبت صنفرها بره.
- مرة دبانه راحت الى امتحان عاملولاها محضر هش.
- مرة كهربائي اتجوز أربعة ركبلهم مشترك.
- مرة محامي رفع قضية وقعت عليه.
- مرة كوسة وقعت على الأرض قالت آآآه أتأورت.
- مرة خياطة راحت عزا قعدت تلضم.
- مرة اتنين فراعنه دخلو كافيه طلبو اتنين آمون.
- طب مرة رسام اتزحلق وقع على الـ Art.
- مرة واحد فكهاني والتاني ربط هاني ههه.
- مرة واحد راح يوكل محامي لقاه صايم.
- مرة ترزي عده في حته مقطوع قام خيطها.
- مرة واحد اتصل بالخط الساخن اتلسع.
- مرة واحد ساب عربيته دايره رجع لقاها مربعة.
- مرة جواهرجي مات م الفضة.
- مرة منجد ابنه عيط شغله القطنة المشمشية.
- مرة واحد جاب شعره ع جمب عشان عايزه في موضوع.
- مدرس رياضة عمل حادثه وعنده كسور راح موحد المقامات.
- مرة تكتوك دخل بنزينة قالهم عاوز امبوو.
- مرة فنجان طلق فنجانة قالتله طب والتفل اللي في بطني.
- مرة واحد جاله جني قاله اطلب امنيه قاله معيش رقمه.
- مرة نملة وهي مسافرة خدت معاها سكر! عشان الغربة مرة.
- مرة سبايدر مان امه بتقوله رايح فين قالها خارق مع صحابي.
- مرة وحده اسمها رنين غابت عن الدوام سجلوها مكالمة فائتة.
اقرأ أيضًا: نكت سخيفة ومضحكة جدا اقوي نكت بايخة بس تضحك
نكت سخيفة مصرية
في ظل عرض نكت سخيفة بس تضحك قصيرة، سنوضح فيما يلي من نقاط نكت سخيفة مصرية:
- مرة مهندس زراعي اترفد من شغله عشان بيعمل مشاتل.
- مرة مدرس عربي قابل مراته في الشارع قال واو الجماعة!
- مرة حته جبنه وقعت من الخامس قالت آااه يا cheeseeeee.
- مرة اخطبوط قاعد مضايق عشان مش عارف ايده من رجله.
- سمكه كانت بتعيط قالت لسمكه معكيش انديل امسح بيه دموعى.
- مرا شيخ بحمر بطاطس وهو برميها في الزيت قال استو999.
- مرة واحد ظابط فتح محل حلويات سماه التورته في ختمت الشعب.
- كنت أريد أن أجلس وحدي في مكان خالي.. ولكن خالي مش راضي يقوم.
- مرة مدرس رياضه مات هو ومراته ف حادثة اتدفنو في جبر واحد.
- مرة واحد بيعاكس واحدة عندها حسنة فوق عينيها بيقولها عين دي ولا غين.
- مرة ست كانت ماشيه قابلت راجل صالح ف قالتله عِظني راح عاظظها.
- مرة حمام زاجل بس منجحش عشان اللي زاجل زاجل من أول السنة.
- الأسهم 3 أنواع أسهم شركات وأسهم بورصة وأسهم ماجوش على مقاسه هه.
- مرة دكتور أسنان دخل خناقه قالهم يا جماعة مش معجون كده أدوني فرشه اتكلم.
- متزعلش لو الحياة ظلمتك هي الدنيا كده أيام معدودة وأيام مع نمله هههه.
- مرة واحد بياع كشري عربيته الكشري بتاعته عطلت نزل ادها دقه.
- بيقولك القطر بيقف عند الصيدليه عشان بيستنى القطرة.
- مرة بنت اسمها وردة أبوها صحى ملقهاش قال الحقونى بنتى اتقطفت.
نكت سخيفة تموت ضحك
بعد أن عرضنا مجموعة من النكت القصيرة والنكت المصرية السخيفة، سنوضح فيما يلي مجموعة من النكت السخيفة تموت من الضحك:
- مرة بلد كان فيها حفرة كبيرة كل اللي يقع فيها مش بيلحق يروح المستشفى ويموت فا جابو اذكى تلاته في البلد عشان يشوفو حل، أول واحد قالهم احنا نلم أهل البلد نقف عند الحفرة وأول ما حد يقع فيها نتصل بالإسعاف بسرعة تيجي تاخده، تاني واحد قالهم انتو مجانين ما احنا ممكن نجيب عربية الإسعاف تقف هنا عشان اللي يقع العربية تاخده علطول للمستشفى، راح قام التالت وقالهم أنا مشفتش أغبى منكم ما احنا نقفل الحفرة دي ونحفر واحدة تانية جمب المستشفى.
- مرة اتنين مساطيل قاعدين مستنين القطر قام القطر جه وبدأ يتحرك قام واحد فيهم قال للتاني إلحق القطر بيمشى قاموا قعدوا يجروو يجرووو يجروو قام واحد فيهم لحق القطر والتانى لا ف أقعد يضحك يضحك الناس قالوله بتضحك ليه قالهم أصل اللى ركب ده صحبى إللى جاى يوصلنى. مرة واحد مسطول وقع من البلكونة الناس جريت عليه قالتله في إيه اللي حصل قالهم مش عارف أنا لسه نازل دلوقتي.
- واحد راح البحر، لقا فتاة تغرق فقالها اديني ايدك قالت اطلبها من أبي فغرقت ومات السمك من الضحك.
- مرة لمونتين بيلعبوا استغماية واحده استخبت والتانية بتدور عليها لما لقيتها قالتلها عصرت عليكي.
- مرة مدرس دراسات سأل التلاميذ في أي فصول تسقط الأمطار راح واحد رد وقال في الفصل الل مفهوش سقف يا مستر.
اقرأ أيضًا: كلمات عن الضحك
نكت بايخة
في صدد عرض نكت سخيفة بس تضحك قصيرة، سنعرض في النقاط التالية بعض النكت البايخة التي يبحث عنها البعض:
- مرة بنت قصيرة عطست اتشقلبت.
- فسخت خطوبتها علشان لقت خطيبها مسجلها (حببتي 1) بدل ما تحمد ربنا أنها من العشر الأوائل.
- مرة سمكة قابلت سمكة قالتلها أنا عارفاكي راحت قالت ممكن تشابه أسماك.
- مرة واحد وقف عربية إسعاف قال للسواق معاك حالة قاله اه، قاله نزلها واتس.
- مرة واحد سأل مدير المدرسة عندكو مدرس ماث؟ قاله اه والعزاء بعد المغرب.
- مرة واحد بيسأل واحد هو النهار ده السبت ولا الحد قالوا لا الاتنين قالو اي ده الاتنين مع بعض!
- مرة مدرس رياضة عمل حادثة قالهم عندي ايه قالوله كسور قالهم طب وحدو المقامات.
- مرة قلم عمل حادثة اتصل بأهله قالهم أنا pen الحياة والموت قالوله بجد ولا بتكتب.
المصريون من الشعوب المعروف عنها خفة الظل، لذا يرغب الكثير في معرفة النكت المصرية حتى ولو كانت بايخة بالنسبة للبعض فهي مضحكة بالنسبة للبعض الآخر، ويمكن نشر تلك النكت على منصات التواصل الاجتماعي ليضحك عليها الجميع.